بقول لكم سرّ

بدون تكلّف ..

ولا له داعي اسبب لنفسي إعاقة باللسان كثر ما تسببت له بالسابق

كل ما فتحت المدونة .. تمنيت لو اكتب شيء واحد بس

مضى لي فترة طويلة ما مسكت الكيبورد .. مضى لي فترة طويـــــلة عن شيء اسمه منتدى ..

وكتابة ومشاركة وردود .. إلخ

بس مشتاق لذاك الروتين .. كرهت إني ابداه بغير مدونتي .. فلذلك السبب اوجدتها هنا

كل ما اقوله .. شي ما يقيدني فيه احد , كل اللي مكتوب هنا ما لأحد فيه دخل .. 

اعجبكم اللي مكتوب [ اهلا وسهلا ] ويشرفني انك تبصم بتعلقيك

ما اعجبك .. فيه بأعلى الزاوية علامة [ × ] اكلف ما عليك تضغط عليها ..

ترى يمكن تضغط مرتين , ثلاث , اربع ويجيك كف مجهول المصدر 

كنت اكتب بمدونتي السابقة .. ووصلت فيها مراحل حتى ان ابو قيتس صاحب ورشة وبنشر ما يكروسوفت كان حاط مدونتي صفحتة الرئيسية

بس يالله .. ثور وغبّر على قرونه .. و كثر الحبرشة ما لها داعي

تسببت عليها بأني قعدت في قاعدة بياناتها عشان ادور لي حرف [ الطاء ] مشبوك مع عرف [ النون ] وحصل ما لا يحمد عقباه .. 

انحذفت كل المدونة واللي فيها .. حتى الجيران تضرروا .. التدوينات اللي انحاشت للجيران .. والتدوينات اللي دجّت في الشوارع وسربتت

بس عرفت ليش اول ما سكنت في حارتي القديمة .. يقولون لي [ الله يقاصرك بالإحسان ] ..

ولا ادري هي سبّة وإلا مدحة .. لكن تبيّن لي بعد ما سببت الزوبعة اللي صارت انها سبّة

شلت قشّي من ذيك المنطقة , وقررت اكون ابن بطوطة (سلوكه بن بطوطة آل فرناس) . كل يوم في موقع , وكل يوم في مدونة وشوي طاير , وشوي موقّع , لكن ما مثل بيت الملك 

وابشركم جيراني الجديدين اول ما سكنت عندهم يقولون [ الله يكفينا شرّك وأذاك ] وبحثت عنها في قاموس لسان العرب لقيت معناها مدحة ..

المهم ما اطول عليكم بكثر القرق 

والسرّ .. امممم .. اني قررت اني ارجع اكتب من جديد بس لاجل عيون ابو قيتس

كل عام وانتم بألف خير .. وهابي إيد

سي يو ليتر