سلوكه

قبل كم يوم , وفي طلعة ما مثلها طلعة [ تنبيه : ترى المصطلحات بتصير بالعامّية القصوى ]
وفي وقت كنّا شابكين كرت الوثائقية على ما أظن ومسّكت على فلفسة , وكل واحد يدلو بدلوه , لا لا , وكل واحد يقول ما في بطنه << كذا احسن ؛)
وانتم خابرين , في ليلٍ مظلم , والنجوم كلها ظاهرة لك , بس القهر ما تقدر تعدّها عشان ما يقبع وجهك حبوب
فطرى علينا سؤال ؟ هل النجوم هذي كلها في مجرتنا ؟ والا إنّها خارج مجرتنا ؟ وهل هي موجودة بالفعل وإلا إنّ هذا بس نورها توّه يوصلنا ؟
وهل بعض هالنجوم هي مجرات بالفعل ؟ وتعال شف اللحسة اللي انلحسناها ذاك اليوم , بس في نهاية النقاش صرنا نتكلم عن الكنغر إذا عاش في المريخ , بتجي سيارة تدعسه وإلا لا ؟ <<< قمّة اللّذعة

المهم بعد ذيك الليلة وبعد ما رجع كل واحد لمسقط رأسه , فتحت النت كعادتي , وأثناء تصفحي , صادفني هالموضوع اللي جاء بوقته , ولو ان محتواه يختلف قليل , لكن ما يمنع إني انزله هنا

الموضوع للدكتور عبدالله المسند , بعنوان [ تأملات عظيمة وحقائق مهولة ] موضوع بصراحة قيّم , وكان من نقل الأستاذ [ لماذا؟ ] في منتديات الساخر , ابدأ الموضوع وعلى بركة الله
More >